Türkmenistan Hançžou şäherinde geçirilen Aziýa oýunlarynda ilkinji medaly gazandy
Dýuzdoçy Maýsa Pardaýewa 23-nji sentýabrda Hytaýyň Hançžou şäherinde başlanan XIX Aziýa oýunlarynda türkmen toparyna ilkinji medaly getirdi.
Türkmenistanyň dzýudo federasiýasynda ORIENT-iň habarçysyna aýdylyşy ýaly, türgen 57 kilograma çenli agram derejesinde bürünç medala mynasyp boldy.
Deslapky tapgyrda Pardaýewa Nepalyň wekili Pradhan Şhredsany ýeňdi.
Ýaryşyň indiki tapgyrynda türkmen dzýudoçysy Günorta Koreýaly Ýensong Parkdan ýeňildi we “teselli” oýunlarynyň tapgyryna düşdi.
Olarda Pardaýewa Özbegistanly Şukurjon Aminowadan we Hytaýly türgen Ki Kaýdan has güýçli bolup, çempionlygyň bürünç medalyna eýe boldy.
Aziýa oýunlarynyň 23-nji sentýabrdan 8-nji oktýabr aralygynda geçirilýändigini ýatladýarys. Hançžou şäherinde geçirilen XIX Aziýa tomusky oýunlary ilkibaşda 2022-nji ýylyň 10-25-nji sentýabry aralygynda geçirilmelidi, ýöne “Covid-19” pandemiýasy sebäpli ýaryş 2023-nji ýyla yza süýşürildi.
Umuman, oýunlara Aziýanyň 45 ýurdundan 15 müňden gowrak türgen gatnaşýar. Oýunlarda 40 sport görnüşinde 481 medal üçin ýaryşýarlar.
Türkmen türgenleri sportyň 3x3 basketbol, boks, erkin usulda we grek-rim göreşi, jiu-jitsu, dzýudo, göreş, karate, ýeňil atletika, suwda ýüzmek, agyr atletika we uşu ýaly görnüşlerinde ýurdumyza wekilçilik edýär.
ORIENT news
