Serdar Berdimuhamedow 2023-nji ýylda oba hojalygyna maýa goýumlarynyň özleşdirilişi barada aýtdy
Şu ýyl Türkmenistanda oba hojalyk pudagynda 1 milliard 600 million manat möçberde düýpli maýa goýumlary özleşdiriler. Bu barada Prezidentimiz Serdar Berdimuhamedow ýekşenbe güni geçirilen Halk Maslahatynyň mejlisindäki eden çykyşynda aýtdy.
«Häzirki döwürde ähli hojalyklarda gara mallaryň baş sany 2 million 530 müňe, dowarlaryň sany 20 million 88 müňe, guşlaryň sany 21 million 957 müňe, düýeleriň sany hem 141 müňe ýetirildi» diýip, TDH habar berýär.
Prezidentiň belleýşi ýaly, biz ekerançylykda we maldarçylykda halkara tejribesini ornaşdyrmak üçin dünýäniň öňdebaryjy ýurtlary bilen hyzmatdaşlygy ösdürmelidiris.
Döwlet Baştutanymyz, hasyllylygy ýokarlandyrmak, tohumçylygy gowulandyrmak boýunça zerur işleri geçirmelidigini, degişli hojalyk işini kämilleşdirmelidigini nygtady.
ORIENT news
