Ýaşlar halkymyzyň daýanjydyr! Halk Maslahatynyň Başlygynyň çykyşyndan
Türkmen halkynyň Milli Lideri Gurbanguly Berdimuhamedow Halk Maslahatynyň mejlisinde eden çykyşynda şöhratly ata-babalarymyzyň däplerini dowam etdirmäge çagyrdy.
Halkymyzyň agzybirligine, ukyp-başarnygyna, parahatçylyk söýüjilik däplerine daýanyp, özygtyýarly döwleti döretdik diýip, Halk Maslahatynyň Başlygy aýtdy.
«Häzirki döwürde şöhratly pederlerimiziň halk häkimiýeti baradaky däpleri mynasyp dowam etdirilýär. Şu ýyl ýurdumyzda demokratik, hukuk we dünýewi döwletimizi depginli ösdürmek maksady bilen, halk häkimiýetiniň ýokary wekilçilikli edarasyny — Türkmenistanyň Halk Maslahatyny döretdik», - diýip Gurbanguly Berdimuhamedow nygtady.
Türkmen halkynyň Milli Lideri ýaşlaryň alyp barýan işlerine ýokary baha berdi.
«Ýaşlar baradaky döwlet syýasatymyz ýaş raýatlaryň hukuklaryny, azatlyklaryny, döwlet kepilliklerini üpjün etmäge we olary goldamaga gönükdirilen durmuş-ykdysady, syýasy, medeni, guramaçylyk hem-de hukuk çäreleriniň ulgamyny öz içine alýar», – diýip TDH sözlerine salgylanýar.
Ýaşlaryň ýurdumyzyň ykdysady, syýasy, medeni durmuşyna işjeň gatnaşmaklary, ylymly-bilimli, giň dünýägaraýyşly nesiller bolup kemala gelmekleri döwlet derejesinde hemişe aýratyn ähmiýet berilýän sorag bolmagynda galýar diýip, Gurbanguly Berdimuhamedow aýtdy.
Watanymyzyň güýç-kuwwaty, abraý-mertebesi hem-de beýik geljegi bolan ýaşlarymyzyň alyp barýan işlerine ýokary baha berýärin. Ýaşlar halkymyzyň daýanjydyr! , diýip türkmen halkynyň Milli Lideri belledi.
ORIENT news
