Oleg Kononenko Türkmenistanyň Prezidentini orbitadan doglan güni bilen gutlady
Sentýabr 22, 2023 | 23:31 |6303
Russiýa Federasiýasynyň Gahrymany we Türkmenistanyň Gahrymany, kosmonawt tälimçisi-synagçy, häzirki wagtda Halkara älem menzilinde bolan «Roskosmos» döwlet korporasiýasynyň kosmonawtlar toparynyň serkerdesi Oleg Kononenko, Türkmenistanyň Prezidenti Serdar Berdimuhamedowy doglan güni bilen gutlady.
Kosmonawt, Türkmenistanyň Baştutanyny şahsy tanamagyň, şeýle hem onuň ünsüni duýmagynyň we işine ýokary baha almagyň özi üçin uly hormatdygyny belläp, gutlag wideosyny iberdi.
Oleg Kononenko türkmen topragynda doglandygyna buýsanýandygyny aýdyp, Prezidente berk jan saglyk, uly maşgala bagtyny, abadançylyk, möhüm we jogapkärçilikli işinde täze üstünlikler arzuw etdi.
ORIENT news
