Kappakodiýada Türkmenistanyň Garaşsyzlyk baýramy bellendi
Türkiýäniň iň gözel sebitleriniň biri bola Kappakodiýada Türkmenistanyň Garaşsyzlyk baýramy bellendi. Bu sebitde asmana uçurylmagy däbe öwrülen äpet howa şarynda Türkmenistanyň Baýdagy parlady.
Uçurylan howa şarynyň ýüzüne şeýle ýazgy ýazylypdyr: "Türkmenistanyň Garaşsyzlyk güni bilen! Türkmen-türk dost-doganlygy güllesin!". Bu gözel pursatlar "Türkmenfilm" birleşiginiň Magtymguly Pyragy barada düşürýän dokumental filmine hem giriziler. Filmiň Türkiýede düşürilýän bölegini kinorežissýor Hekim Alowowyň ýolbaşçylygyndaky döredijilik topary düşürýär. Döredijilik topary Türkiýede Magtymgulynyň ömri we döredijiligi baradaky maglumatlary özünde jemleýän materiallary we Kappakodiýada Türkmenistanyň Garaşsyzlygynyň 32 ýyllyk baýramynyň bellenişini wideoşekillere geçirýär.
Magtymguly barada film surata düşürýän başga bir döredijilik topary Eýranda degişli işleri alyp barýar. Olar goňşy ýurduň Gülüstan sebitiniň Aktokaý obasynda birnäçe wideoşekili ýazga geçirdiler. Mälim bolşy ýaly, bu ýerde iki sany türkmen akyldary Magtymguly Pyragynyň we onuň kakasy Döwletmämmet Azadynyň aramgähi ýerleşýär.
ORIENT news
