Türkmen wekiliýeti YHG ýurtlarynyň Baş prokurorlarynyň Bakuwdaky mejlisine gatnaşdy
Ykdysady hyzmatdaşlyk guramasyna agza ýurtlaryň baş prokurorlarynyň 4-nji mejlisi anna güni, 15-nji sentýabrda Bakuwda geçirildi.
Ýokary derejeli mejlise YHG-nyň Baş sekretarynyň orunbasary, Türkiýäniň, Özbegistanyň, Eýranyň, Gazagystanyň, Gyrgyzystanyň, Täjigistanyň baş prokurorlary, Türkiýe Respublikasynyň Adalat ministriniň we Türkmenistanyň Baş prokurorynyň orunbasary we beýlekiler gatnaşdy diýip, apa.az habar berýär.
Gatnaşanlar aktuwal mowzuklarda çykyş etdiler, şol sanda ýurtlaryň neşe gaçakçylygyna, kiber jenaýatçylygyna we beýleki jenaýatlara garşy göreşde gazanan oňyn netijeleri barada aýtdylar hem-de prokuraturanyň işini sanlaşdyrmakda tejribe alyşdylar.
Çärede guramaçylyk meseleleri ara alnyp maslahatlaşyldy, teswirnama we gutarnykly beýannama kabul edildi.
ORIENT news
