Er-Riýadda türkmen-saud gatnaşyklarynyň ösüşi ara alnyp maslahatlaşyldy
Sentýabr 15, 2023 | 20:54 |7180
Türkmenistanyň Saud Arabystany Patyşalygyndaky ilçisi Orazmuhammet Çaryýew penşenbe güni Saud Arabystanyň daşary işler ministriniň köptaraplaýyn halkara gatnaşyklar boýunça orunbasary Abdul Rahman bin Ibrahim Al-Rassi bilen duşuşdy.
Duşuşykda taraplar iki döwletiň arasyndaky gatnaşyklaryň ösüşiniň geljegi barada maslahatlaşdylar, hususan-da, köptaraplaýyn platformalarda özara gatnaşyklary goşmak bilen ykdysady, ulag, tranzit we energiýa ugurlaryndaky hyzmatdaşlygy giňeltmek meselesini ara alyp maslahatlaşdylar. Bu barada Türkmenistanyň Daşary işler ministrliginiň web sahypasynda habar berilýär.
ORIENT news
