Türkmenistan we Ýaponiýa ylym-bilim pudagyny hyzmatdaşlyk üçin geljegi uly ugur diýip hasaplaýar
Ylym we bilim pudagynda türkmen-ýapon hyzmatdaşlygynyň geljegi, anna güni Türkmenistanyň Ýaponiýadaky ilçisi Atadurdy Baýramow bilen “The Nippon Foundation” gaznasynyň başlygy Ýohei Sasakawanyň arasynda ara alnyp maslahatlaşyldy. Bu barada Türkmenistanyň Daşary işler ministrliginiň metbugat beýanatynda habar berilýär.
Türkmenistan, bilim ulgamyny kämilleşdirmekde halkara tejribäniň we gazanylan üstünlikleriň ulanylmagyna uly ähmiýet berýär we bu ugurda Türkmenistan bilen Ýaponiýanyň arasynda hyzmatdaşlygyň täsirli häsiýetiniň bardygyny görkezýär.
Häzirki wagtda türkmen ýaşlary Ýaponiýada okaýarlar, Türkmenistandaky köp mekdeplerde we ýokary okuw jaýlarynda ýapon dilini öwrenýärler, iki ýurduň ylym we bilim toparlarynyň wekilleri hemişe aragatnaşyk saklaýarlar we tejribe alyşýarlar.
ORIENT news
