Türkmenistan Merkezi Aziýada howpsuzlyk we hyzmatdaşlyk dialogynyň mejlisini geçirmäge taýýar
Türkmenistan, sebitiň durnukly, dawasyz ösüşini üpjün etmek işinde Merkezi Aziýa ýurtlarynyň ýakynlaşmagyna we tagallalarynyň sinhronlaşmagyna gönüküirilen çözgütleri işläp taýýarlamak maksady bilen, Merkezi Aziýada BMG- nyň howandarlygynda howpsuzlyk we hyzmatdaşlyk boýunça dialogyň mejlisini döretmegi teklip eder.
Türkmenistan 2024-nji ýylda özünde birinji mejlisi geçirmäge taýýar. Bu barada Prezidentimiz Serdar Berdimuhamedow, Duşanbede geçirilen Merkezi Aziýa ýurtlarynyň baştutanlarynyň bäşinji Konsultatiw duşuşygynda aýtdy. Ol öz çykyşynda Türkmenistanyň BMG-nyň Baş Assambleýasynyň 78-nji mejlisiniň dowamynda MA ýurtlarynyň ösüşi bilen bagly teklip etjek birnäçe başlangyçlaryny belledi.
Şeýle hem, Aral deňzi basseýni üçin BMG-nyň Ýörite maksatnamasynyň iň amatly görnüşini we düzümini kesgitlemek boýunça BMG-nyň degişli edaralary bilen maslahatlaryň geçirilmegi teklip ediler.
Ýene bir teklip, Merkezi Aziýada howanyň üýtgemegi bilen bagly, tehnologiýalar boýunça Sebitleýin Merkezi döretmege degişlidir.
— Bu merkeziň Aşgabatda ýerleşdirilmegi üçin ähli zerur bolan infrastrukturany bermäge taýýardyrys, - diýip Serdar Berdimuhamedow nygtady.
ORIENT news
