Pakistanyň Premýer-ministri Türkmenistan bilen ykdysady hyzmatdaşlygy pugtalandyrmagyň tarapdary
Sişenbe güni Türkmenistanyň Yslamabatdaky ilçisi Atajan Möwlamow Pakistanyň Premýer-ministriniň wezipesini wagtlaýyn ýerine ýetiriji Anwaar-ul-Hak Kakar bilen duşuşdy. Diplomat Premýer-ministri türkmen ýolbaşçylarynyň adyndan bu ýokary wezipä bellenmegi bilen gutlady.
Söhbetdeşlikde Premýer-ministr Pakistan bilen Türkmenistanyň arasynda ajaýyp doganlyk gatnaşyklarynyň ösendigini aýtdy we bu gatnaşyklaryň mundan beýläk hem ösjekdigine umyt bildirdi. Pakistanyň PTV teleýaýlymynyň habaryna görä, söwda, energiýa, ykdysady gatnaşyklar we adamlar bilen aragatnaşyk pudagyndaky hyzmatdaşlyga ünsi jemlemelidigini aýtdy.
Türkmenistanyň ilçisi bu anyk taslamalar boýunça hyzmatdaşlygy ösdürmäge, şeýle hem ikitaraplaýyn gatnaşyklaryň umumy gerimini giňeltmäge taýýardygyny tassyklady.
Anwaar-ul-Hak Kakar 2023-nji ýylyň 17-nji awgustynda kasam kabul edip, Pakistanyň wagtlaýyn hökümetine ýolbaşçylyk etdi. Öňki Ministrler Kabineti 9-njy awgustda mejlisiň gysagly dargadylmagyndan soň işinden aýryldy (konstitusiýa laýyklykda umumy saýlawlar 90 günüň içinde geçirilmeli).
ORIENT news
