Türkmenistanyň we Katar Döwletiniň işewürler toparlary söwda we maýa goýum hyzmatdaşlygyny ösdürmegi maksat edinýär
Türkmenistanyň we Katar Döwletiniň işewürler toparlary söwda we senagat hyzmatdaşlygyny ösdürmegi, ýurtaryň ikisinde hem işewürler bileleşigini döredip, amatly maýa goýum mümkinçiliklerini döretmek meselelerine garaýarlar. Bu boýunça gepleşikler Doha şäherinde Katar Döwletiniň Palatasynyň dolandyryş we maliýe meseleleri boýunça direktory Hussian Ýusef Al Abdulganiniň we Türkmenistanyň Söwda-senagat edarasynyň "Söwda öýi" kärhanasynyň direktory Serdar Kepbanowyň arasynda geçirildi.
Hussian Al Abdulgani iki ýurduň arasyndaky ýakyn hyzmatdaşlyga ýokary baha berip, döwletleriň ykdysady gatnaşyklary mundan beýläk-de ösdürmäge tagalla edýändiklerini belledi. Iki ýurduň işewürleriniň özara gatnaşyklaryna ýardam etmekde söwda-senagat palatlarynyň ähmiýetli orny bellendi.
Öz gezeginde, Serdar Kepbanow türkmen işewürleirniň katar bazarynda maýa goýum mümkinçiliklerine we bu ýurduň işewürleri bilen hyzmatdaşlyga gyzyklanma bildirýändiklerini belledi. Iki ýurduň söwda-senagat palatalarynyň wekilleriniň özara saparlarynyň hyzmatdaşlyga täze itergi berjekdigi bellendi.
Maýa goýum babatda Türkmenistanda döredilen mümkinçilikler barada aýdan "Söwda öýi" kärhanasynyň direktory katar tarapyny dürli ugurlarda, şol sanda energetika, azyk we dokma senagatynda bar bolan maýa goýum mümkinçiliklerini öwrenmäge çagyrdy.
ORIENT news
