Türkmen tennisçileri Gazagystanda geçirilýän Aziýa çempionatyna gatnaşýarlar
Sentýabr 12, 2023 | 19:47 |9368
11 – 17-nji sentýabrda Gazagystanyň Şymkent şäherinde 12 ýaşa çenli çagalaryň arasynda tennis boýunça toparlaýyn Aziýa çempionatynyň jemleýji tapgyry geçirilýär. Oňa şu ýylyň iýun aýynda Aşgabatda geçirilen saýlama tapgyrda tapawutlanan ýurdumyzyň oglan ýetginjekleri hem gatnaşýar.
Türkmen tennis toparynyň düzüminde çykyş edýän Nazargeldi Amangeldiýew, Süleýman Hudaýberdiýew we Al Geldiýew dünýäniň saýlama tennis ýygyndylary bilen medallar ugrunda bäsleşerler. Ýurdumyzyň wekilçilikli toparyna Begmuhammet Mommaýew wekilçilik edýär.
“W” toparçada çykyş edýän ildeşlerimiz Hindistanyň, Hytaý Taýbeýiniň we Indoneziýanyň ýygyndylary bilen güýç synanyşarlar.
ORIENT news
