Türkmen modalar öýi Özbegistanda geçirilýän festiwala gatnaşar
“SENNUR” modalar öýi Özbegistanyň Kokand şähererinde geçirilýän “Hünärment” atly Halkara milli haşam sungatlarynyň festiwalyna gatnaşar. 21 – 23-nji sentýabrda festiwalyň geçiriljek ýerinde demirden, misden, gymmatly metallardan ýasalan we beýleki sungat önümleriň bölümleri dörediler.
Bu festiwala dünýäniň 60 töweregi ýurdundan müňden gowrak senetçiniň gatnaşmagyna garaşylýar. Olar öz ýurdunyň sungat eserlerinimilli lybaslarda ýörite bölümlerde görkezerler. Mundan daşary, festiwalyň çäklerinde senetçileriň ussatlyk sapaklary hem-de milli etneografiýa we teatrlaşdyrylan çykyşlar guralar. Bu çäräniň maksady senetçilik işini ösdürmekden we tejribeleri alyşmakdan hem-de syýahatçylaryň çekmekden ybaratdyr.
“SENNUR” modalar öýüniň işgärleriniň mälim etmegine görä, bu çäre türkmen medeniýetini wagyz etmäge, myhmanlara türkmen sungatynyň gözelliklerini görkezmäge amatly şert döreder.
Golaýda, “SENNUR” özüniň ajaýyp önümlerini Pariž şäheriniň ilatyna we myhmanlaryna hem görkezdi: Oriental Fashion Show 2023.
ORIENT news
