Hytaýyň halkara ösüş we hyzmatdaşlyk agentligi Txrkmenistandaky taslamalara gyzyklanma bildirýär
Türkmenistanyň Daşary işler ministriniň orunbasary W.Hajiýewiň Hytaýyň halkara ösüş we hyzmatdaşlyk agentliginiň başlygynyň orunbasary Den Botsin bilen duşuşygy geçirildi. Onda köp ugurlar boýunça türkmen-hytaý hemmetaraplaýyn strategiki hyzmatdaşlygynyň okgunly ösüşi bellenip geçildi.
Taraplar halkara guramalaryň çäklerindäki hyzmatdaşlygyny, şeýle hem medeni-ynsanperwer ugurdaky, şol sanda, bilim, saglygy goraýyş we medeniýet ulgamlaryndaky işjeň gatnaşyklaryny bellediler. Söhbetdeşler nebitgaz, şeýle-de bilim we saglygy goraýyş ugurlary boýunça taslamalaryň çäginde alnyp barylýan hyzmatdaşlygyň geljekki ösüşi babatynda pikir alyşdylar.
Hytaýyň halkara ösüş we hyzmatdaşlyk agentligi 2018-nji ýylda esaslandyrylyp, ol ýurtdan daşardaky taslamalaryň durmuşa geçirilmegine ýardam berýär.
ORIENT news
