Aleksandr Beglow häzirki wagtda Türkmenistanda ýaşaýan gabawdaky Leningradyň ýaşaýjylary bilen duşuşdy
Sankt-Peterburgyň gubernatory Aleksandr Beglow ýekşenbe güni häzirki wagtda Türkmenistanda ýaşaýan gabawdaky Leningradyň ýaşaýjylary bilen duşuşdy diýip Smolnyý habar berýär.
Gabawdaky Leningradyň ýaşaýjylary Galina Alekseýewna Mämedowa hem-de Mariýa Dmitriýewna Awanesowa bilen duşuşyk RF-yň ilçihanasynda çaý başyndaky söhbetdeş görnüşinde geçdi.
Beglow Sankt Peterburgda gabawy böwüsmegiň 80 ýyllygynyň nähili bellenilip geçilendigini we häzirki wagtda Leningradyň faşist gabawyndan doly azat edilmeginiň 80 ýyllygyny belläp geçmek boýunça alnyp barylýan taýýarlyk işleri barada gürrüň berdi.
Russiýada we Türkmenistanda uruş we gabaw baradaky hatyra mukaddesdir. Prezident Wladimir Wladimirowiç Putiniň tabşyrygy boýunça Leningrady goramagyň we gabawynyň muzeýiniň ekspozisiýasy giňeldildi, Leningrady goramagyň we gabawynyň taryhynyň instituty döredildi. Weteranlaryň başlangyjy boýunça muzeýiň öňünde Gabawdaky mugallymlara we Gabawdaky lukmanlara ýadygärlikler oturdyldy. Ertir biz Aşgabatda “Dostluk” ýadygärliginiň düýbüni tutarys. Ol leningradlylara hem-de gabawdaky Leningraddan göçürilen çagalar we zenanlary kabul eden Türkmenistanyň ýaşayjylaryna bagyşlanar dýiip gubernator belledi.
Şeýle hem ol ýaşaýan ýerine garamazdan, gabawdaky leningradlylaryň ählisine Leningradyň faşist gabawyndan doly azat edilmeginiň 80 ýyllygyna bagyşlanan ýadygärlik nyşanynyň gowşuryljakdygyny habar berdi.
ORIENT news
