Lebap welaýatynda 2028-nji ýyla çenli nähili durmuş maksatly desgalar gurlar?!
Oba milli maksatnamasynyň çäklerinde ýurdumyzyň gündogar sebiti bolan Lebap welaýatynda durmuş maksatly desgalaryň birnäçesi gurlup ulanmaga berildi. Has takygy, welaýat boýunça 10-dan gowrak hassahana, 40 saglyk öýi, 17 sany medeniýet öýi, 30 sport mekdebi we 15 sany hem sport desgasy guruldy.
Gurlup ulanmaga berlen binalar welaýatda gurulmagy göz öňünde tutulan iri taslamalaryň diňe bir bölegi bolup durýar. Bu maksatnamanyň çäklerinde, 2028-nji ýyla çenli şu desgalaryň gurulmagy göz öňünde tutulandyr:
— 3 hassahana;
— 5 saglyk we anyklaýyş merkezi;
— 6 çagalar öýi;
— 18 orta mekdep;
— 3 medeniýet öýi;
— 305 kilometrlik suw geçiriji ulgamy;
— 5 suw arassalaýjy desga;
— 78 kilometrden gowrak lagym ulgamy;
— 769 kilomterlik awtomobil ýoly;
— 347 kilometrlik gaz geçiriji;
— 470,5 kilometrlik elektrik geçiriji ulgamy;
— 438 kilomterlik telefon liniýasy we 11,2 müň telefon nokady.
Häzirki wagtda welaýatyň Kerki, Halaç, Saýat we Çärjew etraplarynda täze şäherçeleriň gurluşygy alnyp barylýar. Ol 3,5 müň maşgalany täze jaýlar bilen üpjün eder. Seýitnazar Seýdi adyndaky Türkmen döwlet mugallymçylyk institutyň täze binalar toplumyny gurmak işine girişildi.
ORIENT news
