Türkmenistanda Prezidentiniň baýragy üçin ýaşlaryň döredijilik bäsleşigi yglan edildi
Türkmenistanda beýik filosofyň we milli poeziýanyň klassiginiň 300 ýyllygyna bagyşlanan «Magtymguly Pyragynyň paýhas ummany» atly ýaşlaryň arasynda döredijilik bäsleşigi yglan edildi. Ýaşlar bäsleşigi, Türkmenistanyň Prezidentiniň «Türkmeniň Altyn Asyry» baýragyny almak üçin däp bolan milli bäsleşigiň çäginde geçiriler.
Bu barada Karara döwlet Baştutanymyz Serdar Berdimuhamedow anna güni geçirilen hökümet mejlisinde wise-premýer Mährijemal Mämmedowanyň teklibi bilen gol çekdi.
Resminama laýyklykda, täze bäsleşigiň netijeleri şu ýylyň dekabrynda jemlener we ýeňijilerine Türkmenistanyň Prezidentinden pul baýragy we altyn zynjyr gowşurylar. Pul baýraklary Prezidentiň haýyr-sahawat gaznasyndan bölünip berler.
Bäsleşik, ýaşlary Magtymgulynyň edebi mirasyny çuňňur öwrenmäge we döredijilik ösüşine bolan islegini artdyrmaga niýetlenendir.
Medeniýet ministrligine, telewideniýe, radio ýaýlym we kinematografiýa boýunça döwlet komitetine we türkmen döwlet neşirýat gullugyna bu bäsleşigiň guralyşyny üpjün etmek tabşyryldy.
ORIENT news
