Türkmen ilçisi Günorta-Gündogar Aziýa döwletleriniň bileleşiginiň ýolbaşçysy bilen duşuşdy
Ilçi Muhammetnyýaz Maşalow Günorta-Gündogar Aziýa döwletleriniň bileleşiginiň (ASEAN) Baş sekretary Kao Kim Hurn bilen Indoneziýanyň paýtagty Jakartada duşuşdy.
Duşuşygyň barşynda Baş sekretar ASEAN-yň Jakartada geçen 43-nji sammitiniň netijeleri barada aýtdy. Ilçi we Baş sekretary Türkmenistan bilen Günorta-Gündogar Aziýa döwletleri bilen hyzmatdaşlygyň ugurlaryny ara alyp maslahatlaşdylar.
Türkmen ilçisi şeýle hem ASEAN-yň Baş sekretarynyň orunbasary Maýkl Tene bilen hem duşuşdy. Taraplar özara hyzmatdaşlygy hemmetaraplaýyn esasda ösdürmäge taýýardyklaryny mälim edip, bu boýunça işleri işjeňleşdirmegi ylalaşdylar.
Türkmenistanyň Malaýziýadaky ilçisi Muhammetnyýaz Maşalow şol bir wagtda ýurdumyzyň ASEAN-daky wekili hökmünde diplomatik işi alyp barýar.
ORIENT news
