Owganystan boýunça ýörite wekilleriň indiki duşuşygyny ÝB - MA formatynda guramaga taýýarlanylýar
Türkmenistanyň Daşary işler ministriniň orunbasary Wepa Hajiýewiň penşenbe güni Ýewropa Bileleşiginiň Owganystan boýunça ýörite wekili Tomas Niklasson bilen wideo duşuşygy geçirildi.
Gepleşikleriň dowamynda Owganystandaky häzirki jemgyýetçilik-syýasy we ykdysady ýagdaý barada pikir alşyldy we bu ýurtdaky ýagdaýy çözmäge gönükdirilen sebitleýin we halkara formatlaryň çäginde mundan beýläkki özara gatnaşyklar ara alnyp maslahatlaşyldy, diýip Türkmenistanyň Daşary işler ministrliginiň metbugat gullugy habar berýär.
Diplomatlar “Ýewropa Bileleşigi - Merkezi Aziýa” görnüşinde daşary işler ministrleriniň ýetip gelýän ýygnagyny ara alyp maslahatlaşdylar, şeýle hem Owganystan boýunça ýörite wekilleriň indiki ýygnagyny “ÝB - Merkezi Aziýa” formatda guramak barada pikir alyşdylar.
Şu ýylyň maý aýynda Ashgabatda ÝB-niň Merkezi Aziýa boýunça ýörite wekili Terha Hakalanyň gatnaşmagynda Owganystan boýunça ýörite wekilleriň Ýewropa Bileleşigin we Merkezi Aziýa ýurtlary formatyndaky dördünji duşuşygy geçirildi. Şol bir wagtyň özünde indiki şeýle duşuşygy güýzde geçirmek meýilleşdirildi.
ORIENT news
