Itler Motsartyň “Aw simfoniýasynda” kamera orkestri bilen öz rollaryny ýerine ýetirdiler
Üç sany oýunçy it Kopengagendäki Gaýdn festiwalynda Daniýanyň kamera orkestri bilen bilelikde Motsartda ulularyň “Aw simfoniýasynda” ýekelikde çykyş etdiler. Sazyň sazandalary tarapyndan düzülen üýtgeşik bir täsinlik, belli däp-dessurlar bilen nusgawy saz dünýäsine “täzeçe” täsir etdi we festiwal tomaşaçylaryny begendirdi, diýip, “Euronews” habar berýär.
“Aw” simfoniýasy diýlip atlandyrylýan Wolfgang Amadeýusyň kakasy Leopold Motsartyň az tanalýan eserinde itlere solist hökmünde möhüm we görnükli rol berilýär. Şeýle-de bolsa, eser sahnada itler bilen seýrek ýerine ýetirilýär, orkestrler adatça ýazylan sesi ulanmagy makul bilýärler.
Dört aýakly “artistler” Sofus, Kuki we Sika kompozisiýanyň ýerine ýetirilişinde orkestr bilen wagtynda saz çaldylar we galan wagtlary bütinleý asuda boldular. Sahnada gowy çykyş etmek üçin zehinli itler diňe bir buýruk almagy däl-de, eseriň ýerine ýetirilişinde beýleki sazandalary biynjalyk etmezligi öwrenmek üçin üç aýlap tälim aldylar. Haýwanlar simfoniýanyň birinji bölümlerini arkaýyn diňlediler, soň bolsa böleklerini ýerine ýetirmek üçin simli orkestriň öňünde ýer aldylar.
Guýrukly sazandalar açyk diňlenişikde saýlandy. Bäsleşik çakylygynda: “Siziň haýwanyňyz, diňlenişige gatnaşmak üçin esasy tälim almaly, ýagny esasy buýruklary ýerine ýetirmeli bolar. Eger siziň itiňiz saýlanan bolsa, buýruk bilen üýrüp başlamagy we bes edilmegi üçin tälim berler”. Eýeleri haýwanlary bilen repetitsiýa gitdiler we olaryň gerek wagty üýrmekleri üçin sahylyk bilen nahar berdiler.
ORIENT news
