Lebapda pagta ýygnamak üçin 310 sany agyr tehnikalar taýýarlandy
Lebap sebitinde pagta ýygnamak üçin 310 sany agyr tehnikalar, şol sanda 218 Jon Deere 9970 we 90 MX-1.8 kombaýnlary taýýarlandy. Prezident Serdar Berdimuhamedowyň belleýşi ýaly, 9-njy sentýabrda Lebap, Balkan, Mary we Ahal welaýatlarynda “ak altynyň” ýygymyna başlanar, diýip, Türkmen gündogary gazeti habar berýär.
Ýurdumyzyň gündogar sebitiniň oba hojalyk sektory döwlet harmanyna takmynan 320 müň tonna “ak altyn” tabşyrmagy meýilleşdirýär. Şu ýylky pagta möwsümine Çärjew, Saýat we Dänew etraplarynda uly taýýarlyk işleri görüldi. Eýýäm Türkmenabat tejribe-synag abatlaýyş zawody degişli enjamlara diagnostika geçirdi we ätiýaçlyk şaýlaryny taýýarlady.
Pagta hasylynyň ýygymy başlananda, pagta arassalaýjy kärhanalar hem, önümçilige başlaýar. 9-njy sentýabrda ýurdumyzyň esasy oba hojalygyna ýöriteleşen etraplarynda pagta ýygymy möwsümi dabaraly ýagdaýda başlar.
Häzirki wagtda köp sanly oba hojalayk tehnikalary tutuş ýurt boýunça alnyp barylýan güýzlük bugdaý ekmek işi bilen meşgullanýar.
ORIENT news
