Yrak bilen Eýrany täze demir ýol şahasy birleşdirer
Yrak bilen Eýranyň arasynda geljekki demirýol üçin daş goýmak dabarasy Yragyň Basra welaýatynyň Şalamçe şäherindäki serhet geçelgesinde geçirildi. "Shafaq News"-yň habaryna görä bu çärä Yragyň Premýer-ministri Muhammet as-Sudani we Eýranyň birinji Wise-prezidenti Mohammad Mohber gatnaşdy.
Bagdat bilen Tähran 2019-njy ýylda Eýran-Yrak serhedinde Basra we Şalamçe şäherleriniň arasynda demir ýol gurmagy göz öňünde tutýan şertnama gol çekdiler. Ulag taslamasy şertnama boýunça durmuşa geçirilýär we iki ýyl üçin niýetlenendir. Demir ýol geçelgesi Yragyň logistika infrastrukturasyny güýçlendirer we ýurduň goňşy döwletler bilen hyzmatdaşlygyny, söwda, ykdysady, medeni we syýahatçylyk gatnaşyklaryny giňelder.
"Şalamçe serhet geçelgesinden demir ýol aragatnaşygy, Yragyň En-Najaf we Kerbela welaýatlarynda ýerleşýän mukaddes ýerlere barýan, Eýranyň we Merkezi Aziýanyň ýolagçylary daşamak üçin esasy ugurlaryň birine öwrüler"-diýip, Yragyň Premýer-ministri dabarada eden çykyşynda belledi.
Öz gezeginde Mohammed Mohber demir ýoluň gurluşygy tamamlanandan soň "Eýran bilen Yragyň arasyndaky söwda alyş-çalşygynyň uly ösüşine garaşýandygyna" ynam bildirdi.
ORIENT news
