Serdar Berdimuhamedow 2 ministrlige orunbasarlary we etraplara täze häkimleri belledi
4-nji sentýabrda geçirilen iş maslahatynda Prezident Serdar Berdimuhamedow Oba hojalyk we Daşky gurşawy goramak ministrlikleriniň hersine 2 orunbasary we etraplaryň birnäçesine hem täze häkimleri belledi.
Şeýlelikde, Türkmenistanyň Prezidentiniň Kararlary bilen Begmyrat Ataýew we Goçmyrat Ataýew oba hojalyk ministriniň orunbasarlary, Nury Jumaşow bilen Begenç Miminow bolsa, daşky gurşawy goramak ministriniň orunbasarlary boldular.
Prezident Serdar Berdimuhamedow özüne ynanylan wezipäni oňarmandygy üçin “Türkmenatlary” döwlet birleşiginiň baş direktorynyň orunbasarlygyndan D.Baýlyýewi boşadyp, bu wezipä E.Babalyýewi belledi.
Mundan başga-da, Ahal welaýatynyň Ak bugdaý etrabyna, Balkan welaýatynyň Esenguly we Etrek etraplaryna, Daşoguz welaýatynyň Akdepe we Köneürgenç etraplaryna täze häkimler bellendi. Şeýle hem, käbir etraplaryň häkimleriniň orunbasarlary hem täzelendi.
Iş maslahatynda Prezident Serdar Berdimuhamedow 6-njy sentýabrda badalga aljak bugdaý ekişine we ondan soň başlajak pagta ýygymyna taýýarlyk görlüşi we beýleki meseleler boýunça hasabatlary diňledi.
ORIENT news
