Inžener-tehniki hünärmenleri taýýarlamak işini kämilleşdirmek meseleleri maslahatlaşyldy
Ýagşygeldi Kakaýew adyndaky Halkara nebit we gaz uniwersiteti inžener-tehniki ugurly hünärmenleri taýýarlamak işini kämilleşdirmek meselelerine bagyşlanan ylmy-amaly maslahatyň geçirilen ýerine öwrüldi.
Çykyş edenleriň belleýşi ýaly, häzirki döwürde Türkmenistanda bilim ulgamy makstanamalaýyn we ulgamlaýyn esasda ösdürilýär. Ýurtda her ýyl orta mekdepleriň, ýörite-orta mekdepleriň, ýokary okuw mekdepleriniň, mekdebe üenli bilim edaralarynyň onlarçasy açylyp ulanmaga berilýär. Bilim edaralarynda ylmyň soňky gazananary we okatmagyň innowasion usullary giňden ornaşdyrylýar.
Maslahatda halkara uniwersitetiň we beýleki ýokary okuw mekdepleriniň professor-mugallymlary we talyp ýaşlary özleriniň alyp barýan ylmy işleri barada çykyş etdiler.
Bellenişi ýaly, Ýagşygeldi Kakaýew adyndaky Halkara nebit we gaz uniwersitetiniň mugallymlary we talyplary özleriniň alyp barýan ylmy gözleglerine we taslamalaryna degişli makalalary halkara ylmy žurnallarda yzygiderli çap edilýär. Şu ýylyň ýanwar – awgust aýlarynda ýurdumyzyň we daşary ýurtlaryň ylmy žurnallarynda uniwersitetiň wekilleriniň 350-de gowrak ylmy makalalary çap edilipdir. Bu uniwersitetiň mugallymlarynyň we talyp ýaşlarynyň ylmy gözlegleri alyp barmak işlerindäki işjeňligini görkezýär.
Amanmyrat ARAZOW
Ýagşygeldi Kakaýew adyndaky Halkara nebit we gaz uniwersitetiniň alym-kätibi
