Ýokary derejedäki "Bir guşak - bir ýol" sammiti oktýabr aýynda Pekinde geçiriler
3-nji gezek geçiriljek "Bir guşak - bir ýol" ýokary derejedäki sammiti oktýabr aýynda Hytaýyň paýtagty Pekinde geçiriler. Bu barada ýurduň Daşary işler ministrliginiň resmi wekili Wan Wenbin mälim edýär.
Özara aragatnaşyk we ony ösdürmegiň meseleleri sammitiň esasy mazmuny düzer. "Bir guşak - bir ýol" başlangyjy halkara ykdysady hyzmatdaşlygy üçin täze meýdançany döretmekden ybaratdyr. Oňa eýýäm 150-den gowrak döwlet we halkara guramalary goşuldy.
Ägirt uly "Bir guşak - bir ýol" maksatnamasy Hytaý Halk Respbublikasynyň Başlygy Si Szinpin tarapyndan 2013-nji ýylda öňe sürüldi. Ol Beýik Ýüpek ýoluny janlandyrmagy, Gündogar we Merkezi Aziýa Ýewropanyň we Afrikanyň arasynda bitewi söwda-ykdysady hyzmatdaşlygy ýola goýmagy maksat edinýär.
Şeýle sammitiň ilkinjisi 2017-nji ýylda, ikinjisi bolsa 2019-njy ýylda geçirilipdi. Şonda oňa dünýäniň 28 döwletiniň Baştutanlary gatnaşypdy.
ORIENT news
