Türkmenistanyň ilçisi Belarussiýanyň Daşary işler ministri bilen duşuşdy
Minsk şäherinde Türkmenistanyň Adatdan daşary we doly ygtyýarly ilçisi Nazarguly Şagulýew 1-nji sentýabrda Belarussiýa Respublikasynyň Daşary işler ministri Sergeý Aleýnik bilen duşuşdy.
Duşuşykda taraplar ikitaraplaýyn gatnaşyklaryň däp bolan dostlukly häsiýetini beýan etdiler. Hyzmatdaşlygyň möhüm meselelerine söwda we ykdysady gatnaşyklaryň giňeldilmegine, syýasy, jemgyýetçilik we ynsanperwer ugurlarda gatnaşyklaryň ösdürilmegine aýratyn üns berildi. Bilim, medeniýet, ylym we tehnologiýa pudagynda özara tejribeleri doly peýdalanmagyň zerurlygy bellendi. Halkara guramalarynyň çäginde ikitaraplaýyn gatnaşyklar we özara goldaw bermek barada maslahatlaşyldy.
"Taraplar 2023-nji ýylyň ikinji ýarymynda Minskde geçiriljek ykdysady hyzmatdaşlyk boýunça türkmen-belarus hökümetara toparynyň ýakyn wagtda geçiriljek mejlisiniň meselelerine aýratyn üns berdiler" – diýip, Türkmenistanyň Belarussiýadaky ilçihanasy habar berýär.
ORIENT news
