50 müň tonna nebit artyk çykaryldy
Gumdagly nebitçiler nebit çykarmak boýunça meýilnamany 118 göterim artygy bilen ýerine ýetirdiler. Ýanwar – iýul aýlarynda “Türkmennebit” döwlet konserniniň iň baýry ýataklarynda iş alyp barýan “Gumdagnebit” nebit-gaz çykaryş müdirliginiň hünärmenleri nebit gazyp alyp, onuň 330.5 müň tonnasyny gaýtadan işleýjilere ugratdylar. Bu barada “Türkmenistan” gazeti habar berýär.
Geçen ýylyň degişli döwri bilen deňeşdirilende müdirlik tarapyndan bu gymmatly çig malyň 50 müň tonnadan gowragy artyk çykaryldy. 75 ýyldan bäri nebit çykarmak işini üstünlikli ýerine ýetirip gelýän müdirligiň işgärleri önüm berýän guýulara tehniki hyzmaty hem öz wagtynda we döwrebap ýerine ýetirýärler.
Kärhana boýunça geçen döwürde tebigy gazyň 3 million kub metre barabary meýilnamada göz öňünde tutulandan artyk çykaryldy. Müdirligiň nebitçileri Garaşsyzlygymyzyň ýetip gelýän baýramyny mynasyp sowagtly garşylamgy maksat edinýärler.
ORIENT news
