Ýylyň başyndan bäri Türkmenistan Azerbaýjana 30 million dollarlyk suwuk ýangyç iberdi
2023-nji ýylyň ýanwar-iýun aýlarynda Türkmenistan Azerbaýjana senagatda ulanmak üçin 75808 tonna suwuk ýangyç eksport etdi. Bu barada Azerbaýjanyň statistika baradaky döwlet edarasy habar berýär.
Degişli döwürde iberilen ýangyjyň bahasy ABŞ-nyň 30,9 million dollaryna deň boldy. Munuň özi Azerbaýjanyň şu ýylyň dowamynda import eden suwuk ýangyjynyň umumy bahasynyň ýarysyna golaýdyr.
2023-nji ýylyň alty aýynda Azerbaýjan senagat maksatlary üçin jemi bahasy ABŞ-nyň 67,61 million dollaryna deň bolan 166078 tonna suwuk ýangyjy hyzmatdaşlaryndan satyn aldy.
Şu ýylyň ýanwar-iýun aýlarynda Türkmenistan bilen Azerbaýjanyň arasyndaky haryt dolanyşygynyň umumy möçberi geçen ýylyň degişli döwri bilen deňeşdirilende 3,8 esse artdy hem-de ABŞ-nyň 485,46 million dollaryna deň boldy.
ORIENT news
