Çypar reňkiň 50 öwüşgini: Niderlandlara çypar saçlylaryň müňlerçesi ýygnandy
Geçen dynç güni Gollandiýada her ýyl geçirilýän “Çyparlaryň güni” festiwaly geçdi. Oňa gatnaşmak üçin dürli ýurtlardan çypar saçlylaryň müňlerçesi Tilburg şäherine ýygnandy.
Guramaçylaryň aýtnagyna görä, surat çekmek, makiýaž boýunça ussatlyk sapaklaryny we derä ideg etmek boýunça maslahatlary, surata düşüriş, aýdym-saz çärelerini we tizlik ýaryşlaryny hödürleýän bu festiwala 5000 töweregi saçy çypar reňkli adamlar gatnaşdy – diýip, Reuters habar berýär.
Bularyň hemmesi 2005-nji ýylda gollandiýaly suratkeş Bart Ruwenhorstyň 15 çypar saçly adamyň suratyny çekmek kararyna gelmeginden başlandy. Ol ähli gyzyklanýan modeller üçin bildiriş berip, 150 jogap aldy.
Bu çäre ýyllaryň dowamynda uly meşhurlyga eýe boldy we häzirki wagtda oňa Angliýa, Awstraliýa, ABŞ we Germaniýa ýaly 80-den gowrak ýurtdan çypar saçlylar gatnaşýar.
Adamlar özlerine kybapdaşlaryň arasynda öz çypar saçlaryny görkezmek üçin ýörite syýahat edýärler.
Festiwal bir ýerde iň köp tebigy çypar saçlylaryň sanynyň köplügi boýunça dünýä rekordyny eýeleýär.
ORIENT news
