BAE-iň welosiped sürijileri Aşgabatdaky Bedenterbiýe institutynyň sport barlaghanasynda «synag sürüjiligi» geçdiler
Türkmenistana gelen «Abu Dabi» klubynyň welosiped sürijileri Türkmen döwlet bedenterbiýe institutyna baryp gördüler we ol ýerde Olimpiýa sporty fakultetiniň barlaghanalaryna gezelenç guraldy. Bu ýerde türgenleriň funksional mümkinçiliklerini – olaryň nahili ýagdaýdadygyny kesgitläp bolýar. Bu gözlegleriň netijesi geljekde halkara ýaryşlaryna taýýarlanmaga kömek edýär.
Olimpiýa sporty fakulteti, ýokary hünärli hünärmenleri we türgenleri Olimpiýa oýunlarynyň maksatnamasyna girýän öňdebaryjy sport görnüşlerinde ylmy esasda taýýarlamak üçin açyldy. Birleşen Arap Emirliklerinden gelen ýaryşçylar sport barlaghanasynda aňsat «synag sürüjiligini» geçdiler - iň täze enjamlary ulanyp, öýkeniniň we bedeniniň ýag gatlagynyň göwrümini ölçediler. Şeýle hem myhmanlar ýörite «Magdan studiýasy»-na baryp gördüler we iň döwrebap talaplara laýyk gelýän enjamlaryň ýokary derejesini bellediler.
«Abu Dabi» klubynyň türgenleri ýerli welosiped sürýänler bilen bilelikdäki türgenleşik geçirmek we ýaryşa taýýarlyk bilen tanyşmak üçin Türkmenistana geldiler.
ORIENT news
