Gyrgyzystandaky dünýä çempionatynda türkmen sambistleri bäş medal gazandy
Türkmen sambistleri 21-24-nji awgustda Çolpon-Ata (Gyrgyzystan) şäherinde geçirilen dünýä çempionatynda bäş medal - bir kümüş we dört bürünç gazandylar.
Sport sambosynyň wekili Parahat Bäşimow, 88 kilograma çenli agram derejesinde Türkmenistanyň milli ýygyndysynyň gaznasyna ýeke-täk kümüş medal getirdi. Jemleýji oýunda Russiýaly Şamil Gajiýewden utuldy we şeýdip, münberde ikinji ýeri eýeledi.
Bürünç baýraklar Muminjan Arzykulowa (64 kilograma çenli agram derejesinde), söweş sambosynda bolsa - Meilis Nyýazmeňliýewe, Kerimberdi Döwletowa (ikisi hem 64 kilograma çenli agram derejesinde), Şatlyk Çaryýewe (79 kg agram derejesinde) berildi.
Çempionata 11 ýurtdan – Türkmenistan, Azerbaýjan, Ermenistan, Belarus, Bolgariýa, Ysraýyl, Gazagystan, Hytaý, Gyrgyzystan, Russiýa we Özbegistandan üç ýüzden gowrak türgen gatnaşdy.
Dünýä çempionatynyň medallary sport we erkekleriň hem-de aýallaryň arasynda sambo söweşinde oýnaldy.
Şu ýyl sambo boýunça iki sany dünýä çempionaty geçiriler. Olaryň birinjisi awgust aýynda Gyrgyzystanda geçirildi, ikinjisi bolsa, sentýabr aýynda Serbiýanyň Nowi-Sade şäherinde geçiriler.
ORIENT news
