THÇMB hepdede 26,1 million dollarlyk nebit we dokma önümlerini eksport etdi
Türkmenistanyň Döwlet haryt-çig mal biržasynda hepdäniň dowamynda baglaşylan eksport amallarynyň mukdary 26 million 144 müň ABŞ dollaryndan gowrak boldy.
Hususan-da, «Türkmennebit» döwlet konserni tarapyndan öndürilen kerosin, polipropilen we esasy ýag daşary ýurt walýutasyna satyldy. Satyn alanlar Beýik Britaniýaly, Gruziýaly, Gazagystanly, Özbegistanly we Owganystanly söwdagärlerdi.
Şeýle hem, Hytaýa, Birleşen Arap Emirliklerine, Türkiýä, Azerbaýjana we Gyrgyzystana iberiljek tüýlek önümleriň, düşek toplumlaryň, jins we flanel matalaryň, pagta ýüplükleriň satyn alynmagyna eksport şertnamalary baglaşyldy.
Içerki bazar üçin ýerli hususy kärhanalar «Türkmennebit»-den nebit ýol bitumyny we polipropileni, şeýle hem jemi 31 million 839 müň manatdan gowrak el halylary satyn aldylar. Biržanyň söwda bäsleşiklerinde hepdäniň dowamynda jemi 58 geleşik resmileşdirildi.
ORIENT news
