“Ussat bagban” atly bäsleşigiň jemi jemlendi
Aşgabat şäherindäki “Altyn ýyldyz” medeni-dynç alyş merkezinde “Ussat bagban” atly bäsleşigiň jemleýji tapgyry geçirildi. Bu barada Türkmenistanyň resmi metbugaty habar berýär.
Bäsleşigiň eminleriniň biragyzdan gelen netijesine görä, bäsleşigiň baş baýragyna Mary welaýatynyň Baýramaly etrabynyň “Türkmenistan” daýhan birleşiginiň kärendeçi bagbany Döwletjan Öwezmyradow mynasyp boldy. Bäsleşige beýleki gatnaşyjylar hem ýeňijiler diýlip yglan edilip, olaryň ählisine gymmat bahaly sowgatlar gowşuryldy.
Bäsleşigiň birinji şetine görä, oňa gatnaşýanlar özlerini tanyşdyryp, bereketli türkmen topragyny we onda ösýän datly miweler, ir-iýmişler bilen tanyşdyrdylar. Ikinji şertde bagbanlar kärende we berkidilen ýerlerinde ýetişdirýän baglary hakynda wideoşekilli ýazgylaryň üsti bilen gürrüň berdiler. Jemleýji – 3-nji şertde bolsa, bäsleşige gatnaşyjylar bagbançylyk hünäri, ekologiýa, tebigaty goramak bilen bagly sowallara jogap berdiler.
“Ussat bagban” atly bäsleşik Türkmenistanyň Kärdeşler arkalaşyklarynyň Milli merkezi, Oba hojalyk we Daşky gurşawy goramak ministrlikleri tarapynda guraldy.
ORIENT news
