Timur Bekmambetow Gazagystanda täze kino žanryny ösdürer
Tanymal kinorežissýor Timur Bekmambetow Gazagystanyň kino pudagyny ösdürmegi we ekran durmuşy žanrynda täze sanly dil döretmegi - ekrandaky durmuşy, sanly durmuş hakda gürrüň bermegi maksat edinýär. Ol pikirleri we taslamasy bilen Gazagystan Respublikasynyň prezidenti Kassym-Žomart Tokaýew bilen bolan duşuşygynda paýlaşdy diýip, Akordanyň metbugat gullugy habar berýär.
Tokaýew we Bekmambetow döredijilik pudagynda hünärmenleri taýýarlamak, Gazagystanyň film mazmunyny ýokarlandyrmak we kinomatografistlere goldaw bermek meselesini ara alyp maslahatlaşdylar.
Režissýor prezidente mugallymlary, aktýorlary, suratkeşleri we sanly döredijilik pudagynyň beýleki hünärmenlerini gaýtadan taýýarlamak boýunça daşary ýurtlarda durmuşa geçiren taslamalary barada gürrüň berdi.
«Ýurduň iň uzak künjeklerinde-de, diňe özüne ynanmak we arzuwlaryna tarap gitmek üçin kömege mätäç zehinli adamlaryň bardygyna ynanýaryn. Kompaniýam we men, Gazagystanda ekran durmuşy diýilýän kinonyň dilini ösdürmek üçin köp zat edip bileris diýip umyt edýäris. Bu, sanly durmuşymyzy aýdýan täze žanr»,-diýip Bekmambetow aýtdy.
Timur Bekmambetow 2004-nji ýylda ajaýyp «Gije goragy» eposy çykandan soň meşhur boldy. Soňra 2008-nji ýylda baş keşpleri Anjelina Joliniň, Jeýms MakAwoýyň we Morgan Freimanyň janlandyran «Aýratyn howply» filmine režissýorlyk etdi we Milli kinomatografistleriň milli assosiasiýasynyň «Ýylyň halkara režissýory 2012» baýragyna mynasyp boldy.
ORIENT news
