Ýewropa Eýrandan gaz importyny gözleýär– Eýranyň milli gaz kompaniýasynyň başlygy
Milli Eýran Gaz Kompaniýasynyň (NIGC) baş direktory, Ýewropa döwletleriniň Eýran bilen Türkiýäniň üsti bilen gaz import etmek barada gepleşik geçirendigini beýan edip, gepleşikleriniň entek üstünlikli bolmandygyny aýtdy diýip Mehr agentligi duşenbe güni habar berdi.
Eýranyň nebit ministriniň orunbasary Majid Çegeni, häzirki Eýran senenama ýylynyň başyndan (2023-nji ýylyň 21-nji marty) Eýranyň tebigy gazy we LPG üpjünçiligi degişlilikde 16% we 22% ýokarlanandygyny belledi.
Çegeni, goňşular bilen baglaşylan şertnamalar barada gürrüňinde Yraga gaz eksporty baradaky şertnamanyň ýakyn wagtda tamamlanjakdygyny aýtdy.
Türkiýäniň hem, Eýran bilen gaz şertnamasyny uzaltmaga taýýardygyny belläp, Ummana gaz eksportynyň, Pakistan bilen şertnamanyň möhletini uzaltmagyň we Russiýa bilen söwdanyň dowam edýändigini nygtady.
NIGC-iň baş müdiri, Türkmenistan bilen gaz çalşygy şertnamasyna geçip, Eýranyň bu ýurtdan alýan gazynyň mukdarynyň, Eýranyň bergisini üç bölekde ýapmagy bilen 4,5 million kub metrden günde 8 million kub metre çenli ýokarlandygyny aýtdy.
Çenegi bu görkezijini awgust aýynyň başynda geçirilen metbugat mejlisinde yglan edipdi. Şol bir wagtyň özünde günde 10 million kub metr türkmen gazynyň synag üpjünçiliginiň üstünlikli geçirilendigini aýtdy.
Soňra, Eýranyň Türkmenistandaky ilçisi Golam Abbas Arbab Hales Serahs liniýasynda günde 20 million kub metre çenli swop üpjünçiligine mümkinçiliginiň bardygyny aýtdy.
ORIENT news
