Siýarto Budapeşt bilen Aşgabatyň gaz üpjünçiligi meselesinde syýasy şertnama gol çekendigini beýan etdi
Wengriýanyň Daşary işler we daşary ykdysady gatnaşyklar ministri Piter Siýarto Budapeşt bilen Aşgabatyň Türkmenistandan Wengriýa gaz üpjünçiligi barada syýasy şertnama gol çekendigini aýtdy.
«Wengriýanyň türkmen gazyny Ýewropa we üstaşyr geçýän ýurtlaryň birine iberip biljek ugurlarynyň biri bolmagynda Türkmenistanyň syýasy erki we syýasy niýeti düşnükli. Syýasy şertnama baglaşyldy, indi söwda gepleşiklerini dowam etdirmek kompaniýalaryň gezegi», - diýip Siýarto sosial ulgamda ýaýlyma berlen wideo ýüzlenmesinde aýtdy.
Türkmenistanyň Prezidenti Serdar Berdimuhamedow ýekşenbe güni Wengriýanyň premýer-ministri Wiktor Orban bilen duşuşdy.
MTI agentliginiň habaryna görä, gürrüň diňe bir energetika barada däl, eýsem saglygy goraýyş, derman senagaty, oba hojalygy, azyk senagaty, suw dolandyryşy, şeýle hem bilim we medeniýet ugurlaryndaky hyzmatdaşlygy giňeltmek bilen baradady.
Türkmenistanyň Baştutany ýekşenbe güni Wiktor Orbanyň çakylygy boýunça Wengriýanyň esasy döwlet baýramçylygy - Keramatly Stiwen gününe bagyşlanan çärelere gatnaşmak üçin Budapeşte geldi. Şeýle hem Serdar Berdimuhamedow Budapeştde geçiriljek ýeňil atletika boýunça dünýä çempionatynda hormatly myhmanlaryň arasynda bolar.
ORIENT news
