Türk teleýaýlymy Türkmenistan bilen media hyzmatdaşlygyny ösdürmäge taýýar
Türkmenistanyň ilçisi Batyr Rejepow “TRT” türk teleýaýlymynyň Gazagystan Respublikasyndaky wekilhanasynyň direktory Mehmed Çalyşkin bilen Astana şäherinde bolan duşuşygynda media ulgamynda özara hyzmatdaşlygyň geljegi ara alnyp maslahatlaşyldy.
Taraplar Türkmenistanda we Türkiýede durmuşa geçirilýän özgertmeler, olar barada gepleşikleri, internet neşirlerinde habarlary, derňew we syn beriji makalalary taýýarlamak mümkinçiliklerine seretdiler.
Batyr Rejepow “TRT” türk teleýaýlymynyň direktoryna şu ýyl Türkmenistanda ýurt Garaşsyzlygynyň 32 ýyllygynyň, hemişelik Bitaraplygynyň hem 28 ýyllygynyň bellenýändigini, geljek ýylda hem Magtymguly Pyragynyň 300 ýyllygynyň baýram ediljekdigini habar berdi.
Hyzmatdaşlyk gatnaşyklaryny pugtalandyrmak maksady bilen guralýan giň gerimli çärelere iki tarapdan media wekilleriň gatnaşmaklary ylalaşyldy.
ORIENT news
