Ýaş türkmenistanlylar Moskwada geçiriljek Halkara çagalar medeni forumyna gatnaşarlar
Olar Russiýanyň paýtagtynda II Halkara çagalar medeni forumyna ýygnanan beýleki 2000 çaganyň arasynda bolar. Çäre 10-njy awgustda başlar we 12-nji ýyla çenli dowam eder.
Gatnaşyjylar 13 daşary ýurtdan - Abhaziýa, Azerbaýjan, Belarus, Boliwiýa, Müsür, Hindistan, Katar, Gyrgyzystan, Liwan, Pakistan, Özbegistan, Palestina, Türkmenistan, şeýle hem Russiýa Federasiýasynyň 89 sebitiniň çagalary bolar. «Olaryň hemmesi sungat bilen meşgullanýar we ömrüni sungata baglamagy meýilleşdirýärler», –diýip Russiýanyň Medeniýet ministri Olga Lýubimowa metbugat ýygnagynda aýty diýip RIA Nowosti habar berýär.
Forumyň çäginde çagalar üçin 140 töweregi çäre geçiriler. «Bular ussatlyk sapaklary, meşhur medeni şahsyýetler bilen gepleşikler, leksiýalar, seminarlar ... Şeýle hem, gatnaşýanlara ekskursiýalar garaşýar. Olar Puşkin muzeýine, Tretýakow galereýasyna, saz muzeýine we Beýik Moskwa sirkine, KBRDI, Zarýadýe, HHGS we Mosfilm ýaly ajaýyp ýerlere baryp görerler», – diýip ministr belledi.
Bu ýyl forum ýedi döredijilik ugrunda - «Saz sungaty», «Teatr we sirk sungaty», «Edebiýat we žurnalistika», «Horeografiki sungat», «Prodýuserlik», «Muzeýler we şekillendiriş sungaty», şeýle hem «Kino we animasiýa» boýunça geçiriler. Bölümleriň ýolbaşçylary halk we at gazanan sungat işgärleri we Russiýa Federasiýasynyň medeniýet pudagyndaky beýleki tanymal şahsyýetler bolar.
ORIENT news
