“John Deere” kysymly 60 sany täze tehnika Lebabyň oba hojalykçylaryna berildi
Lebap welaýatynyň önümçilik daýhan hojalyklary “John Deere” kysymly täze ekiş traktorlaryň 62-sini kabul etdiler. Bu barada «Нейтральный Туркменистан» gazeti habar berýär.
Ekiş traktorlary – bu ekerançylyk ýerlerinde degişli işleri geçirmek üçin zerur tehnika bolup durýar. Olar ekiş işlerini ýokary derejede geçirmäge we ýokary gögerijiligi gazanmaga ýardam edýär. Häzirki wagtda täze tehnikalar güýzlük bugdaý ekişini geçirmek üçin taýýarlanylýar.
Lebap welaýatynyň ekerançylary bugdaý ekişinde täze tehnikalar bilen birlikde, “Case”, “CLAAS” kompaniýalarynyň we Minskiniň traktor zawodynyň traktorlaryny hem ulanarlar.
“John Deere” kompaniýasy ABŞ-nyň iň iri senagat kompaniýalarynyň biri bolup, oba hojalyk tehnikalaryny öndürmekde dünýäde öňdebaryjylaryň biridir.
ORIENT news
