Türkmen agyr atletikaçy GDA ýurtlarynyň II oýunlarynyň wise-çempiony boldy
Türkmen agyr atletikaçysy Ali Babamyradow 4-nji awgustda Belarusda başlanan GDA ýurtlarynyň II oýunlarynda türkmen milli ýygyndysy üçin ýene bir kümüş medal gazandy.
Türkmen ştangaçysy Ali Babamyradow 55 kilograma çenli agram derejesinde 215 kg (95 + 120) iki görnüşli sportyň jemi boýunça netije görkezip, kümüş medal bilen sylaglandy. Özbegistanly agyr atletikaçy Ogabek Nafasow - 240 kg (110 + 130) altyn medalyň eýesi boldy. Ilkinji üçlügi Belarusdan Grigoriý Wertinskiý - 194 kg (88 + 106) ýapdy.
Ondan öň agyr atletikaçy Ýulduz Jumabaýewa Türkmenistanyň taryhynda GDA ýurtlarynyň oýunlarynda medal gazanan ilkinji wekil boldy. Ol 49 kilograma çenli agram derejesinde kümüşiň eýesi boldy.
Şu gün, 5-nji awgustda, GDA ýurtlarynyň II oýunlarynyň resmi açylyş dabarasy Minsk-Arenada geçiriler. Oýunlaryň esasy aýratynlyklaryndan biri, başlangyçlaryň Belarusiýanyň hemme ýerinde geçirilmegi.
Bäsleşikler açyk bolup, Belarusa diňe GDA ýurtlarynyň türgenleri däl, eýsem Wenesuela, Wýetnam, Müsür, Eýran, Kuba, Liwan, Malaýziýa, Mongoliýa, Birleşen Arap Emirlikleri, Oman, Pakistan we beýleki ýurtlardan hem myhmanlar geldi.
ORIENT news
