Belarus Respublikasynyň teleradiokompaniýasynyň wekilleri Aşgabatda geçiriljek mediaforuma çagyryldy
Belarus Respublikasynyň teleradiokompaniýasynyň wekilleri Türkmenistanyň Garaşsyzlygyna bagyşlanyp Aşgabatda geçiriljek mediaforuma çagyryldy. Bu çakylyk ýurdumyzyň Minskdäki diplomatik wekilhanasynda Türkmenistanyň Telewideniýe, radiogepleşikler we kinemotografiýa baradaky döwlet komitetiniň wekilleriniň belarus kärdeşleri bilen bolan duşuşygynyň barşynda beýan edildi.
Taraplar Türkmenistan bilen Belarus Respublikasynyň arasynda teleradiogepleşikler ulgamyndaky hyzmatdaşlyga ýokary baha berdiler. Bu hyzmatdaşlyk 2016-njy ýylda gol çekilen özara düşünişmek hakyndaky Ähtnamanyň çäklerinde üstünlikli durmuşa geçirilýär.
Şeýle hem türkmen wekiliýeti saparyň dowamynda Garaşsyz Döwletleriň Arkalaşagyna gatnaşyjy ýurtlaryň teleradiokompaniýalarynyň ýolbaşçylarynyň duşuşygyna gatnaşdy.
ORIENT news
