Türkmenistanyň Prezidenti Özbegistanda ilçi belledi
Iýul 31, 2023 | 21:57 |6394
Prezidentimiz Serdar Berdimuhamedow öz Permany bilen Şadurdy Meredowy başga işe geçmegi bilen baglanyşykly Gyrgyzystan Respublikasynda (Bişkek şäheri) Türkmenistanyň adatdan daşary we doly ygtyýarly ilçisi wezipesinden boşatdy. Bu barada türkmen döwlet radiosynyň we telewideniýesiniň agşamky habarlarynda aýdyldy.
Döwlet Baştutany başga Permany bilen Şadurdy Meredowy Türkmenistanyň Özbegistan Respublikasyndaky adatdan daşary we doly ygtyýarly ilçisi wezipesine belledi.
Bu wezipede Meredow Daşkentde bäş ýyllyk iş möhletiniň tamamlanmagy sebäpli başga işe geçýän Ýazguly Mammedowyň ýerine geçdi.
ORIENT news
