Türkmen wekiliýeti Daşkentde boljak Aziýanyň ýaşlar hokkeý lagerine gatnaşar
Türkmen wekiliýeti Daşkentde 31-nji iýuldan 7-nji awgust aralygynda boljak taryhda ilkinji Aziýanyň ýaşlar hokkeý lagerine gatnaşar. Onuň guramaçylary bolup Aziýanyň Olimpiýa geňeşi şaýbaly hokkeýiň Halkara federasiýasy bilen hyzmatdaşlykda çykyş ederler. Başlangyç tutuş Aziýa boýunça 27 milli olimpiýa komitetleri, şol sanda Türkmenistanyň olimpiýa komiteti tarapyndan uly gyzyklanma döretdi- diýip, Aziýanyň Olimpiýa geňeşiniň (ОСА) resmi saýty habar berýär.
Maksatnama gatnaşmak üçin şeýle hem Owganystanyň, Bahreýniň, Hindistanyň, Indoneziýanyň, Eýranyň, Ýaponiýanyň, Özbegistanyň, Gazagystanyň, Gyrgyzstanyň, Kuweýtiň, Liwanyň, Makaonyň, Malaýziýanyň, Mongoliýanyň, Omanyň, Pakistanyň, HHR-nyň, Singapuryň, BAE-niň we beýleki ýurtlaryň milli olimpiýa komitetleri hasaba alyndylar.
Jemi sport lageri 126 atleti, eminleri we tälimçileri ýygnar. Türkmen wekiliýetine üç adam wekilçilik eder.
Şaýbaly hokkeýiň Halkara federasiýasynyň dokuz tälimçisi sport ösüşi boýunça dolandyryjy Harald Springfildiň baştutanlygynda bu ýörite maksatnama gözegçilik ederler.
ОСА eýýäm beýleki görnüşler boýunça sebitleýin ýaşlar lagerlerini geçirdi, ýöne sportyň gyşky görnüşine üns berilmegi ilkinji gezekdir.
OCA -nyň türgenleri we ýörite taslamalary ösdürmek bölüminiň baştutany Toni Tarraf Aziýanyň olimpiýa geňeşiniň sebitde sportyň gyşky görnüşlerini, hususanda hokkeýi ösdürmäge gönükdirilendigini aýtdy.
ORIENT news
