Issyk-Kuluň kenarynda Gnesinleriň adyny göterýän Russiýa sazçylyk akademiýasynyň GDA-da ilkinji döredijilik mekdebi geçirilýär
Issyk-Kul kölinde GDA-da ilkinji «Simfoniýa Ala-Too» halkara döredijilik mekdebi geçirilýär. Gnesinleriň Russiýa sazçylyk akademiýasynyň mugallymlary 26-njy iýuldan 30-njy iýul aralygynda ussatlyk sapaklary, açyk sapaklary, leksiýalary, konsertleri we döredijilik duşuşyklaryny geçirmek üçin Gyrgyzystana geldiler diýip, «Uly Aziýa» habar berýär.
Dersleri Russiýadan alty mugallym alyp barýar. Gyrgyzystanyň dürli künjeklerinden gelen 70 zehinli talyp döredijilik ylmyny eýerýärler. Taslama simfoniki orkestri we Gyrgyzystanyň milli akademiki opera we balet teatrynyň balet topary hem gatnaşýar.
Aýry-aýry saz gurallaryny çalmak boýunça sapaklar geçirilýär: skripka, wiolonçel, pianino we klarnet. Her gün agşam talyplar bilimlerini iş ýüzünde jemleýärler - Issyk-Kul kölüniň kenarynda kiçi konsertler geçirilýär.
«Issyk-Kul kölündäki Gnesinler adyndaky Russiýanyň sazçyltk akademiýasynyň ilkinji halkara tomus döredijilik mekdebi akademiýanyň iň möhüm halkara taslamalarynyň biridir. Gyrgyzystanyň birinji zenanaynyň goldawy netijesinde respublikanyň 70 ýaş sazandasy akademiýamyzyň mugallymlarynyň ýolbaşçylygynda hünärlerini ýokarlandyrmaga mümkinçilik aldy. Bu taslamanyň dowam etdirilmelidigi eýýäm düşnüklidir. Geljek ýyl beýleki dostlukly ýurtlarymyz - Özbegistan, Gazagystan we Azerbaýjandan hem gatnaşyjylar goşular diýip umyt edýärin»,-diýip Gnesinler adyndaky Russiýanyň sazçyltk akademiýasynyň rektory Aleksandr Ryžinskiý belledi.
ORIENT news
