Balkan welaýatynda suw üpjünçiligi gowulandyrylar
Balkan welýatynyň häkimligi sebitiň suw üpjünçilik toplumyny döwrebaplaşdyrmak üçin gurluşyk serişdelerini we enjamlaryny stayn almak boýunça açyk bäsleşik yglan etdi. Bu barada Türkmenistanyň resmi metbugaty habar berýär.
Oňa laýyklykda, Türkmenbaşy şäheriniň suw, lagym we eltiji ulgamyny döwrebaplaşdyrmak üçin serişdeleri, “Awaza” milli syýahatçylyk zolagynda gije-gündizde 50 müň kub metr, Gyýanly şäherinde hem gije-gündizde 70 müň kub metr deňiz suwuny arassalaýjy desgalaryň enjamlaryny satyn almak maksat edilýär. Şeýle hem, “Jebel – Hazar” suw geçiriji ulgamyny döwrebaplaşdyrmak, “Gyzylarbatagzysuw” birleşigi üçin enjamlary satyn almak göz öňünde tutulýar.
Mundan başga-da, “Balkanwelaýatagyzsuw” birleşigi üçin ýokary basyşly suw nasoslaryny, elektrik hereketlendirijileri, Oglanly şäherçesindäki agyz suwuny arassalaýjy desgasy we Bereket suw paýlaýjy desgasy üçin enjamlary satyn almak göz öňünde tutulýar. Şeýle-de, welaýat agyz suw birleşiginiň suw üpjünçilik desgalaryny abadanlaşdyrmak üçin serişdeleri we enjamlary satyn almak boýunça bäsleşik yglan edilýär.
Gyzyklanma bildirýän taraplaryň ýüztutmalary 4-nji sentýabra çenli Aşgabat şäheriniň Arçabil şaýolunyň 156-njy jaýynda ýerleşýän Türkmenistanyň Maliýe we ykdysadyýet ministrliginde kabul edilýär.
Habarlaşmak üçin telefon belgileri: 39-46-32, 39-46-38, 39-46-39.
ORIENT news
