Türkmenistandaky BMGÖM ýerleriň zaýalanmagynyň bitaraplygy boýunça seminar geçirdi
Ýerleriň zaýalanmagynyň bitaraplygy — Türkmenistandaky BMGÖM-nyň halkara hyzmatdaşlygy boýunça Nemes jemgyýeti (GIZ) bilen bilelikde geçiren seminarynyň esasy temasy boldy.
Seminar ýerleriň zaýalanmagynyň bitarap deňagramlygyny gazanmak babatynda mümkinçiligi ösdürmek boýunça çäreleriň tapgyrynyň bir bölegidir. Ol «Aral deňziniň basseýninde ýokary tebigy gymmatlygy bolan ýer serişdelerini we ekoulgamlary köp peýdalar üçin gorap saklamak we durnukly dolandyrmak» taslamasynyň çäklerinde gurnaldy.
Taslama Amyderýanyň basseýninde ýer serişdeleriniň, suw serişdeleriniň dikeldilmegine we gowulandyrylmagyna ýardam etmäge gönükdirilendir.
Ýerleriň zaýalanmagynyň bitarap deňagramlygynyň maksady sagdyn we hasylly ýerleri ýitgisiz ýer serişdeleriniň goruny saklamakdyr. Munuň üçin ýerden peýdalanmak we ýer serişdelerini dolandyrmak babatyndaky kararlaryň ähtimal netijeleriniň bahalandyrmasyny geçirmek zerurdyr.
ORIENT habarlar
