Belarus Respublikasy GDA ýurtlarynyň II oýunlaryna taýýarlyk görýär
Belarus Respublikasy şu ýylyň 4 – 14-nji awgusty aralygynda geçiriljek Garaşsyz Döwletleriň Arkalaşygy ýurtlaryň II oýunlaryna taýýarlyk görýär. Ýurduň Gomel şäherindäki kärhanalar oýunlara bagyşlanan brend önümlerini öndürýärler diýip, “BelTA” habarlara agentligi mälim edýär.
Gomel şäheriniň “Spartak” härhanasy ýüzünde GDA- ýurtlarynyň II oýunlarynyň nyşany ýerleşdirilen süýji we köke önümleriniň ýörite gaplamasyny hödürleýär. Mälim edilşine görä, içinde süýjülikler ýerleşdirilen şeýle gaplamalaryň 50 müňden gowragy taýýarlanyldy. “8-nji mart” dokma we tikinçilik kärhanasy bolsa ulular we çagalar üçin jempirleriň, şortylaryň birnäçe görnüşlerini öndürdi. Fabrika şeýle hem erkekler we zenanlar üçin joraplary öndürýär. Oýunlaryň alamaty hökmünde öndürilýän önümleriň ýüzüne oýunlaryň nyşany ýa-da “Güýçli häsiýet, ajaýyp oýun” atly şygary görkezilýär. Bu önümleriň ilkibaşda 5 müň sanysy sarhyt edilen hem bolsa, häzir onuň sany 10,4 müňe ýetirildi.
Dobruşsk farfor zawody öz gezeginde oýunlaryň nyşanlary brendlenen gap-gaç önümlerini çykardy. Dürli görnüşli tarelkalarda oýunlaryň baş nyşany şekillendirilipdir. “Reçisk tekstil” kärhanasy bolsa Oýunlaryň nyşany şekillendirilen polotensa önümlerini hödürleýär.
Gomeliň köçelerinde Oýunlaryň nyşany we şekili bilen bezelen awtobuslary we trolleýbuslary görmek bolýar. Oýunlaryň sowgatlyk önümleri ýaryşlaryň geçirilýän ýerinde dörediljek janköýerler zonasynda satuwa çykarylar.
ORIENT news
