Türkmenistan intellektual eýeçilik boýunça foruma gatnaşdy
Türkmenistanyň Maliýe we ykdysadyýet ministrliginiň wekili Hytaýyň Urumçi şäherinde geçirilen “Sebit ösüşine ýardam bermekde intellektual eýeçilik” atly halkara foruma gatnaşdy. Bu barada “Xinjiang Daily” habar berýär.
Forumyň maksady Merkezi Aziýa döwletleriniň we Hytaýyň arasynda intellektual eýeçilige degişli hyzmatdaşlygy ödürmekden, özara tejribeleri alyşmakdan ybaratdyr. Çärede bellenişi ýaly, bu forum “Bir guşak, bir ýol” başlangyjynyň çäklerinde möhüm wakalaryň biridir. Bu taslamanyň çäklerinde Hytaý Merkezi Aziýa ýurtlary bilen özara hyzmatdaşlygy işjeňleşdirmegi maksat edinýär.
Türkmenistan bilen birlikde, beýleki Merkezi Aziýa döwletleirniň wekilleriniň gatnaşýan forumynda intellektual eýeçilik boýunça merkezi döretmek meseleleri hem ara alnyp maslahatlaşylýar. Bu forum 26-njy iýula çenli dowam edýär.
ORIENT news
