Ýerewan döwlet uniwersitetinde Magtymgulynyň döredijiliginden leksiýalary okarlar
Ýerewan döwlet uniwersitetinde Magtymguly Pyragynyň döredijiligine bagyşlanan leksiýalaryň birnäçesi okalar. Bu mesele Türkmenistanyň Ermenistandaky ilçisi Muhammetdgeldi Aýazowyň Ýerewan döwlet uniwersitetiniň rektory Ogannes Ogannisýan bilen duşuşygynyň barşynda ara alnyp maslahatlaşyldy.
Akyldar-şahyryň 300-ýyllygyna bagyşlanan leksiýalary Ýerewana gitjek Magtymguly adyndaky Türkmen döwlet uniwersitetiniň mugallymlary okar. Bu Magtymguly adyndaky Türkmen döwlet uniwersiteti bilen Ýerewan döwlet uniwersitetiniň arasyndaky ylalaşygyň ýerine ýetirilmegine gabat gelýär.
Öz gezeginde, Ýerewan döwlet uniwersitetiniň rektory halkara ylmy maslahatyny geçirmekligi, Magtymgulynyň döredijiligine bagyşlanan ylmy-populýar makalalary çap etmekligi teklip etdi.
ORIENT habarlar
