Arkadag şäherinde hususy kärhananyň ilkinji “akylly” edarasy peýda boldy
Ýurdumyzyň iň iri azyk önümlerini öndüriji “Täze Aý” hususy kompaniýasy döwlet ähmiýetli Arkadag şäherinde döwrebap çözgütlere esaslanýan ilkinji “akylly” edarasyny açdy. Bu barada “Biznes Reklama” gazeti habar berýär.
Täze şäherde döredilen “akylly” edarada ornaşdyrylan sanly ulgam arkaly şäherde we tutuş ýurtda kompaniýanyň öndürýän harytlarynyň bahalaryna gözegçilik etmek bolýar. Şeýle hem bu ulgam öndürilýän önümler we olaryň görnüşleri, möçberi baradaky maglumatlary üpjün edýär. Täze edarada et, konditer we polufabrikat önümleriniň 100 töweregi görnüşini öndürmäge niýetlenen önümhana ýerleşýär. Öndürilen önüm ýurduň çägindäki 18 müň sany söwda nokadyna bökdençsiz iberilýär.
Soňky döwürde türkmen kompaniýalary Arkadag şäherine ykdysady we tehnologiýa taýdan geljegi uly şäher hökmünde uly gyzyklanma bildirýärler.
ORIENT news
